Менә “Татарча диктант-2020” дә тарихка әйләнде. Быелгы шартларда онлайн-форматка өстенлек бирелсә дә, Башкорт дәүләт университеты татар телендә язу күнекмәләре аша туган телгә мөнәсәбәтен белдерергә теләүчеләр өчен ачык мәйданчык булдырды. Беренче курс студентлары (калган курслар дистанцион укуда), килгән кунаклар орфография һәм пунктуация нормаларын яхшы белүләрен күрсәтте.