Татарстан Премьер-министры урынбасары, Милли Шура рәисе Васил Шәйхразыев һәм Бөтендөнья татар конгрессы җитәкчелеге Башкортстанга сәфәре барышында, Авыргазы районындагы Солтанморат авылында күренекле язучы Галимҗан Ибраһимовның бюстына чәчәкләр салды. Ул әдипнең музее янында урнашкан.
Бюст язучының 100 еллык юбилеен билгеләп үткән көннәрдә куела. Аның авторы – Зөлфәт Басыйров.
Исегезгә төшерәбез, Авыргазы районындагы Солтанморат авылында Г. Ибраһимовның музее эшли. Анда язучының тормыш юлы һәм иҗаты белән танышырга мөмкин. Бүген Бөтендөнья татар конгрессы җитәкчелеге музейда да булды.
