Бүген Бөтендөнья татар конгрессы Башкарма комитеты җитәкчесе Данис Шакиров бүлек комитет җитәкчеләрен, бүлек мөдирләрен җыеп, “Татарлар: Гамәл стратегиясе”н тормышка ашыру юллары турында сөйләшү оештырды. Ул билгеләп узганча, татарларның төп документы кабул ителде, финанс мәсьәләсе дәүләт программасында каралган, хәзер аны тормышка ашыру буенча ныклап эш башларга вакыт.

Конгресс вәкилләре берничә көн эчендә үз тәкъдимнәрен тупларга, Конгресс тарафыннан гамәли стратегиянең тормышка ашырылырга тиешле Россия, чит илләр өчен проектларны, чараларны билгеләп эшне дәвам итәргә тиешләр.