Бөтендөнья татар конгрессы 2024 елның 17-19 май көннәрендә Казан шәһәрендә “Милли тормыш һәм дин” XIV Бөтенроссия татар дин әһелләре форумын үткәрә. Форумга Россия Федерациясенең 77 регионыннан, шул исәптән Татарстан Республикасыннан барлыгы 1000 дин әһеле һәм кунаклар чакырулы.

Бүген Болгарда дөнья күләмендәге чара – “Изге Болгар җыены” узачак. Идел Болгарстанында Ислам динен рәсми рәвештә кабул итүгә 1100 ел булуына багышланган җыенда Россия мөселманнары, якын һәм ерак чит илләрдән килгән кунаклар катнашыр дип көтелә.