Чара Идел буе Болгар дәүләтендә ислам динен кабул итүнең 1100 еллыгы уңаеннан оештырылды
Шул уңайдан, Татарстанның Баулы районы Шалты авыл мәчетендә җирле “Ак калфак” оешмасы җитәкчесе Наҗия Гильфанова «Динем-ислам, милләтем-татар» дип исемләнгән бәйрәм очрашуы уздырды.
Очрашуда мәдәният йорты, китапханә хезмәткәрләре, укытучылар, укучы балалар, Шалты авыл мәчете имам-хатыйбы Магзянов Әсгать Мәхмүт улы да катнашты. Балаларга, мәчет-Аллаһ йорты , азан, намаз, ураза төшенчәләренә аңлатма бирелде, мәчет әдәбе аңлатылды.
Катнашучылар бергәләшеп мөнәҗәтләр әйттеләр, шигырьләр укыдылар. Дин йортындагы очрашу мәчет тарафыннан әзерләнгән китаплар тарату белән тәмамланды.
