27 декабрь көнне Чистай шәһәре Ислам үзәгендә Бөтендөнья татар конгрессының Чистай җирле оешмасы каршындагы ” Ак калфак” татар хатын-кызлары оешмасының утырышы узды.

Әлеге чарада ел буе эшләнгән эшләренә исәп- хисап кылып, Яңа елга яңа бурычларын, эш юнәлешләрен билгеләп куйдылар. Бу юлы авыл җирлекләрендә яшәүче вәкилләр дә чакырулы иде. Татар Ялтаны, Татар Баганалысы, Гаделшә авылларыннан килгән ханымнар белән очраштыылар. Бергәләп уздырган чаралар турында бик яратып искә төшерделәр һәм яңа чаралар турында уйландылар.