Чувашстанның Яңа чабаксар шәһәрендә алты меңгә якын кан-кардәшебез гомер итә. Алар тырышлыгы белән шәһәрдә күптән түгел генә мәчет ачылды, татар милли-мәдәни автономиясе, хатын кызларның “Ак калфак” оешмасы эшләп тора, ә күптән түгел генә биредә Бөтенроссия “Татар гаиләсе” фондының да җирле бүлекчәсе теркәлде… Халыкара хатын-кызлар көне 8 март алдыннан шәһәр мәчетендә тагын бер тантана-“Татар гаиләсе көне” узды. Анда 45, 50 һәм 60 ел гомер иткән парларны зурладылар.