Бөтендөнья татар конгрессы Башкарма комитеты җитәкчесе Данис Шакиров шушы көннәрдә Пенза шәһәрендә. Биредә ул Әдһәм Тенишевның тууына 100 ел тулуга багышланган Бөтенроссия фәнни-гамәли конференциясендә катнашачак.
Исегезгә төшерәбез, 21-23 апрель көннәрендә Пенза шәһәрендә «Тарихи мирас контекстында мәдәният телләре» Бөтенроссия фәнни-гамәли конференциясе уза. Конференция кысаларында Әдһәм Тенишевның фәнни хезмәтләре һәм шәхси әйберләре күргәзмәсе, пленар утырыш һәм 7 секция эше планлаштырылган.
Чарада шулай ук Пенза өлкәсе Губернаторы вазыйфаларын вакытлыча башкаручы Олег Мельниченко, Пенза өлкәсе татар милли-мәдәни автономиясе рәисе Җиһанша Туктаров, шулай ук Әдһәм Тенишевның кызы Аиша Тенишева катнашуы көтелә.
