Ачык һавада уз торган “Казан көзе” III Халыкара опера фестивале 30 август көнне тәмамланачак. Бу көнне сәхнәдә күп кенә атаклы башкаручылар чыгыш ясаячак.
Башка елларда аермалы буларак, быел бу фестиваль иртәрәк башланган. Барысына да универсиада сәбәпче. 30 августта исә дөньякүләм танылу алган вокалистлар Альбина Шаһиморатова (сопрано) һәм Дмитрий Хворостовскийның да (баритон) чыгышы көтелә. Кайбер әсәрләрне алар дуэт белән башкалачак. Ә Хворостовский “Туган тел”не татарча җырларга ниятли ди.
