Әлмәттә «Аркадаш» дип аталган театраль проект ачыла.
Театраль дигәндә, проектның эш алымнары күздә тотыла. Сәхнәләштерер алдыннан пьесаны сүтеп җыйган кебек, без үзебезне, үзебез яшәгән тирәлекне, үткәнебезне сүтеп җыярга дип бер төркемгә тупланабыз. Төбәк тарихын, халкының көнкүрешен, тел үзенчәлекәрен, йола-гадәтләрен өйрәнәбез һәм шуларны сәнгатьтә тулырак чагылдыру өчен яңа алымнар эзлибез.
Проектның мәркәзе — Әлмәт.
Әлмәттә төпләнеп, беренче елны Әлмәт, Лениногорск, Бөгелмә районнарында эшлибез. Алга таба эш Зәй, Чирмешән, Баулы, Менделеевск, Алабуга, Тукай, Ютазы, Чистай якларында дәвам итәчәк.
Проект кысаларында белгечләр, галимнәр, сәнгать әһелләре, җәмәгатьчелек белән очрашулар булачак. Төбәк тарихына, аның бүгенгесенә битараф булмаган һәркемне
фикер алышуларда катнашырга чакырып калабыз.
Тамырларыбызны барлау юлында бер-беребезгә аркадаш булыйк.
Проектны «Татнефть» хәйрия фонды тормышка ашыра
