16 апрель көнне Татарстан Республикасы Фәннәр академиясендә күренекле төрекмән шагыйре Мәхтүмкули Фрагиның тууына 300 ел тулуга багышланган түгәрәк өстәл утырышы булды.

Түгәрәк өстәлдә төрки әдәби бәйләнешләр турында, төрки дөньяда мәгърифәтчелек юнәлеше, татар-төрекмән тарихи-мәдәни багланышлары турында фикер алыштылар.

Чарада ТР Фәннәр академиясе президенты Рифкать Миңнеханов, Татарстан Язучылар берлеге рәисе Ркаил Зәйдулла, Төркмәнстанның ЮНЕСКОдагы Милли комиссиясе җаваплы секретаре Чинар Рөстәмова, Төркмәнстанның Казандагы Генераль консулы Гуйч Гәрәев һ.б. чыгыш ясады.

Чыганак: sptatar.com