21 февраль, Халыкара туган телләр көнендә, Габдулла Тукай әдәби музеенда
Ижау шәһәренең (Удмуртия) «Чулпан» балалар театры (җитәкчесе – Рәфилә Рәсүлова)
башкаруында Риза Ишморатның «Кайту» драмасыннан өзек күрсәтелде һәм Муса
Җәлилнең «Вәхшәт» шигыренә нигезләнгән театраль күренеш тәкъдим ителде.
Чарада Бөтендөнья татар конгрессы Башкарма комитеты җитәкчесе урынбасары – Милли мәгариф, мәдәният һәм спорт комитеты җитәкчесе Разил Ринат улы Зиннәтуллин катнашты. Ул һәрбер халык өчен үзенең туган теле якын, кадерле икәнлеген, аны сакларга һәм көндәлек тормышта актив кулланырга кирәклеген ассызыклады, шулай ук «Чулпан» балалар театры җитәкчесе Расулева Рафиләгә, әлеге матур чараны оештырган Габдулла Тукай әдәби музее директоры Төхвәтова Гүзәлгә рәхмәт сүзләрен җиткерде.
