Габдулла Тукай һәйкәле Уфага килеп җитте.
Бакырдан коелган скульптура агач тартмага салынган һәм киндер тукымага төрелгән. Аны Уфа “Нур” татар дәүләт театры каршындагы мәйданга бушатканнар.
Эшчеләр 4,5 метр биеклегендәге гранит постамент кую белән мәшгуль. Шушы көннәрдә аның өстендә һәйкәл урын алачак, аның биеклеге 8 метр тәшкил итәчәк.
Татар әдәбияты классигы Габдулла Тукайга Уфада һәйкәл 17-18 апрельдә, Башкортстанда Татарстан көннәре чаралары кысаларында ачылачак.
