2023 елның 12-14 ноябрь көннәрендә I Бөтенроссия “Туган тел” форумы уза.

Форумга Россия Федерациясенең 30 төбәгеннән һәм Татарстан Республикасы белем оешмаларыннан 800гә якын татар теле һәм әдәбияты укытучылары һәм мөселман дини укыту оешмалары мөгаллимнәре җыелды.

Бүген “Корстон” сәүдә-күңел ачу үзәгендә Татарстан Республикасы Рәисе Р. Н. Миңнеханов катнашында форумның пленар утырышы узачак. Шулай ук биредә күргәзмә эшли.

Пленар утырыштан соң мөгаллимнәр өчен методик мәйданчыклар утырышы каралган. Алар 4 дискуссион мәйданчыкка бүленеп үткәреләчәк.