Казанда VIII Бөтенроссия татар теле һәм әдәбияты укытучылары съезды уза. Чара кысаларында Россия төбәкләре татар мили-мәдәни автономия һәм Бөтендөнья татар конгрессы вәкилләре өчен оештырылган “Милли үзаңны һәм бала шәхесен формалаштыручы фактор буларак полимәдәни белем бирү” секциясе утырышы узды. Биредә Бөтендөнья татар конгрессы Башкарма комитеты җитәкчесе урынбасары Илгиз Халиков чыгыш ясады.  Ул туган телләрне өйрәнүдә заманча трендларны куллану турында сөйләде.