Удмуртиядә  республикакүләм “Татар кызы 2019” бәйгесе кысаларында халкыбызның милли ризыгы кыстыбый пешерү  буенча осталык дәресе бара.  Туташларны татар халык  ризыгын әзерләү  серләренә  Ижаунын “Сабантуй” кафесы аш-су остасы Гөлнара Раян кызы өйрәтә.

Быел бәйгедә 10 кыз катнаша.  Бәйге  дәвамында татар теле, хореография, вокал, кул эшләре дәресләре, осталык дәресләре декабрьдән башланып, өч ай дәвам итә.

Финалы апрель башына тәгаенләнгән.

 

Фәнзилә Сәлихова, Ижау