Усть-Каменогорск шәһәрендә (Казакъстан) Советлар Союзы Герое, татар халкының бөек улы, патриот-шагыйрь Муса Җәлилгә бюст куелды.

Һәйкәлне ачу һәм чәчәкләр салу тантанасында, ТР Президенты вазифаларын вакытлыча башкаручы Рөстәм Миңнеханов йөкләмәсе буенча, ТР мәдәният министры Айрат Сибагатуллин җитәкчелегендә Татарстан делегациясе катнашты. Җәлил сыны Ульба елгасы ярында, Протозанов һәм Кайсенов урамнары очрашкан турыда урнаштырылды, дип яза “Татар-информ” МА сайты.