5 март көнне Казан шәһәрендә Татарстан Республикасы Президенты ярдәме белән ел саен үткәрелә торган «Ел хатын-кызы. Ел ир-аты: хатын-кыз карашы» бәйгесенең җиңүчеләрен бүләкләү тантанасы узды.

Әлеге бәйге ел саен республиканың социаль-икътисадый үсешенә, мәдәнияткә, рухияткә, яшь буынны тәрбияләүгә, гаилә институтын ныгытуга зур өлеш керткән хатын-кызларны ачыклау һәм җәмгыятькә тәкъдим итү максатыннан үткәрелә.

Башкортстан Республикасыннан «Роксана» радиосы дикторы Зәлия Рәфис кызы Ахунова “Мәдәният һәм рухият” номинациясендә җиңүче булып танылды.

Зәлия Рәфис кызын чын күңелдән котлыйбыз!