10 ноябрьдә 18.00 сәгатьтә «Шәрык клубы»нда (Казан, Татарстан урамы, 8 йорт) композитор, пианист, Бөтенроссия һәм халыкара конкурслар лауреаты Алсу Сөнгатуллинаның иҗат кичәсе була.

«Концерт программасында яңа әсәрләр яңгыраячак. Иҗат кичәсендә танылган шагыйрә Йолдыз Миңнуллина, җырчылар – Әмир Әхмәдишин (баритон) һәм Диләрә Нәбиуллина (сопрано, «Галиябану» фильмында төп рольне башкаручы), Галиәсгар Камал исемендәге Татар дәүләт академия театры оркестры солистлары, Мәскәүнең «Дирижабль» вокаль төркеме катнашачак. Концертта бергә иҗат иткән җырыбызны Йолдыз Миңнуллина белән җырларга ниятлибез», – диде «Татар-информ»га Алсу Сөнгатуллина.

• Алсу Сөнгатуллина – Казан композиторлар мәктәбе вәкиле, Россия һәм Татарстан Композиторлар берлеге әгъзасы.

Чыганак: tatar-inform