Бөтендөнья татар конгрессы Башкарма комитеты җитәкчесенең Беренче урынбасары Данис Шакиров Чиләбе һәм Курган өлкәләре мөфтие Ринат хәзрәт Раев белән очрашу уздырды. Очрашуда  Чиләбе өлкәсе татар конгрессы рәисе Лена Колесникова да  катнашты.

Эшлекле әңгәмә Чиләбе шәһәренең “Ак мәчет” бинасында үтте. Утырыш барышында IX Бөтенроссия татар дин әһелләре җыенына әзерлек һәм хезмәттәшлек мәсьәләләре хакында сүз алып барылды.

Шулай ук, Чиләбе өлкәсендә яшәүче милләттәшләребезгә Данис Шакиров Татарстан Республикасы Премьер-министры урынбасары, Бөтендөнья татар конгрессының Милли шура рәисе В.Г. Шәйхразиев исеменнән Ураза гаете белән котлау хатын җиткерде.