Татарстан данын Лениногорск кызы Әлминә Гафарова яклап, «MS Universal VIP World 2024» титулы яулады.
Дөнья таҗы өчен Россия, Болгария, Молдавия, Грузия, Яңа Зеландия һәм башка илләрдән 20 яшьтән 50 яшькә кадәр булган гүзәл затлар көрәште.
Альмина жюри әгүзаларын үзенең нәфислеге һәм зәвыклы булуы белән сокландырды. Ул татар риваятьләре героинясы Каракуз образында пәйда булып, беркемне дә битараф калдырмады.
Әлминә Гафарова — бизнесмен хатын-кыз, Лениногорск тимер-бетон әйберләр заводы дилеры, стилист-ченнелер.
«Туганнарым һәм якыннарым ярдәме булмаса, мин бу җиңүгә ирешә алмас идем. Гаиләмә бик зур рәхмәт», — ди җиңүче.
Чыганак: zamansulyshy.ru
