Лениногорск шәһәрендә Россия Герое истәлегенә бокс буенча ярышлар узды. Гвардия өлкән лейтенанты Дамир Исламов истәлегенә багышланган турнирны оештыруда Бөтендөнья татар конгрессы зур ярдәм күрсәтте.
Бөтендөнья татар конгрессы 2024 елны «шәхесләр елы» дип игълан итте. Дамир Исламов – татар шәхесләренең берсе. Бөтен татар халкы өчен батырлык һәм ныклык үрнәге булып тора ул.
РФ Оборона министрлыгы мәгълүматлары буенча, сугышчы биш танк белән тигез булмаган сугышта һәлак була, шуларның дүртесен юк итә. Герой истәлегенә багышланган ярышларда 13 яшьтән 16 яшькә кадәрге 32 спортчы катнаша. Боксчылар Бөгелмә, Азнакай, Әлмәт һәм Карабаш бистәләреннән килделәр.
