Татарстан Республикасының Менделеевск районында  меңнән артык кеше татарча диктант язды. Күбесе онлайн- режимда. Шәһәрнең мәдәният сараенда җитмешләп кеше диктантны офлайн язды. Чараны Татар Конгрессының Менделеевск бүлеге җитәкчесе Лилия Галиева ачып җибәрде. Тәбрикләү сүзе белән район башлыгы урынбасары Ләйсан Галеева мөрәҗәгать итте. Шулай ук башкарма комитетның җитәкчесе урынбасары Екатерина Ямалеева катнашты. Диктантта мәдәният, мәгариф хезмәткәрләре, ветераннар, мәктәп укучылары бик теләп катнашты.