Үзбәкстанда яшәүче милләттәшебез Руслан Нурудинов Колумбиядә авыр атлетика буенча дөнья чемпионатында 109 килограммга кадәрге авырлык категориясендә өч алтын медаль яулады.

Нурудинов барлык өч юнәлештә дә югары дәрәҗәдәге бүләкләргә лаек булды. Иң башта ул ыргылыш ясап 177 кг авырлык күтәрсә, этеп күтәрүдә исә 220 кг ала алган.  Шулай итеп, Руслан ике күнегү суммасы буенча 397 кг нәтиҗә күрсәтте. Шунысын да билгеләп үтәргә кирәк, милләттәшебез якындагы көндәшен 8 кг. га узып киткән.

Бөтендөнья татар конгрессы Башкарма комитетының Чит илләрдәге татар иҗтимагый оешмалары белән эшләү бүлеге