Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил Шәйхразыев эш сәфәре белән Әстерхан өлкәсенә килде. Программа кысаларында ул Әстерхан шәһәрендә бөек шагыйребез исемен йөртүче 74нче номерлы уку йортында булды. Биредә Милли Шура рәисе укытучылар һәм укучылар белән аралашты, мәктәп тормышы белән танышты. Шулай ук Васил Шәйхразыев мәктәп ишегалдында Габдулла Тукай истәлегенә куелган бюстка чәчәкләр салды.

Исегезгә төшерәбез, 74нче номерлы мәктәп ишегалдындагы әлеге бюст 2021 елда ачылган иде.