Үзбәкстан татарларының иҗтимагый-мәдәни агарту үзәге Аксакаллар шурасы рәисе Рим Гыйниятуллин юбилеен – 75 яшь тулган көнен билгеләп үтә.
Үзбәкстанда туып, ул үз тормышын сәясәт һәм иҗтимагый эшчәнлек белән бәйли. Үзбәкстан хөкүмәтенең Вице-премьеры, Мелиорация һәм су хуҗалыгы министры булып хезмәт итә. Бүгенге көндә Үзбәкстан татарларының иҗтимагый-мәдәни агарту үзәге Аксакаллар шурасы рәисе булып тора. Үзбәкстанда халкыбызның телен, динен, мәгърифәтен, мәдәниятен үстерүгә һәм саклап калуга Рим Гыйниятуллин зур өлеш кертә.
Үзбәкстан татарларының иҗтимагый-мәдәни агарту үзәге Аксакаллар шурасы рәисе бүген күпсанлы котлауларны кабул итә. Ихтирам сүзләрен һәм теләкләрен Рим Гыйниятуллинга шулай ук Татарстан Республикасы Дәүләт Киңәшчесе Минтимер Шәймиев та юллаган.
