MOÑ театр мәйданчыгы «Батулла киче» уздыра.
«Язучы Рабит Батулла тамашачы сорауларына җавап бирәчәк. Үзе дә тамашачы өчен сораулар әзерли – әзер булыгыз», – дип кичәгә чакыра MOÑ мәйданчыгы.
Оештыручылар мисал итеп «Татарларның иң борынгы эпосы кайсы елларга карый?», «Беренче татар дәүләте кайчан оешкан?» кебек сорауларны китерә.
«Батулла киче» беренче чиратта Рабит Батулланың иҗат һәм тормыш юлына багышлана, диелгән хәбәрдә.
Батулла белән ачык очрашу 20 ноябрьгә билгеләнгән. 19.00 сәгатьтә башлана.
