17 июнь көнне Монреальдә Ангриньон паркында “Сабантуй” оештырылачак. Ул Россия көненә багышланачак.  Бәйрәм “Мирас” татар мәдәнияте үзәге тарафыннан Русский Мир Монреаля һәм Самбо мәктәбе  (Монреаль) ярдәмендә оештырыла.

Сабантуй 11.00дә башланачак. Программада татар һәм рус коллективларының концерты. Чараның махсус кунаклары – Татарстанның атказанган артистлары татар, рус һәм итальян телләрендә җырлар башкарачак.

Сабан туенда төрле халыкларның милли ризыкларыннан авыз итәргә, спорт ярышларында катнашырга мөмкин булачак.