3 февраль көнне “Мизгел” яшьләр үзәгендә Мөслим районы җитәкчелеге ярдәме белән Бөтендөнья мөселманча киенү көненә багышланган “Бәхетле хатын-кыз” дип аталган кичә уздырылды. Мөслим районы мөхтәсибәте тарафыннан оештырылган бу чара килгән кунакларда бик матур хисләр уятты. Резеда ханым Шәммасова тирән, үтемле итеп ике дөньяда уңышка ирешү турында сөйләде. Кунагыбыз Гөлнара ханым Галимуллина үз үрнәгендә Аллаһның кушканнарын үтәп яшәп, бизнес алып бару мөмкинлеген күрсәтте.
“Бәхетле хатын-кыз” дип аталган кичә уңаеннан кул эшләре күргәзмәсе дә оештырылган иде.
