Гореф-гадәтләргә, йолаларга таянып Нижневартовскта “Килен төшерү”, “Су юлы”н сәхнәләштерделәр. Бу турыда “Шатлык” татар – башкорт халык ансамбле җитәкчесе Юмагулова Рәйлә Рәфыйк кызы хәбәр итте.
Елдан – ел ансамбль яшь буын белән тулыландырылып тора. Биредә йолаларга нигезләнгән чаралар еш оештырыла. Шәһәрдә милләттәшләребезнең зур тырышлыгы белән, милли чаралар оештырырга төрле яклап уңайлы шартлар тудырылып торуның нәтиҗәсе, халкыбыз традицияләрен саклап калырга һәм ныклы адымнар белән алга атларга зур этәргеч бирә. Афәрин, дуслар! Киләчәктә дә уңышлар телибез!
