Быел дүртенче тапкыр уза торган “Татарча диктант” акциясенә Пенза өлкәсе Каменка районы Кикино авылы халкы да кушылды. Биредә диктантны мәктәп бинасында яздылар. Акциядә балалардан алып, олы яшьтәгеләргә кадәр катнаштылар. Текстны татар теле укытучысы Равилә Баткаева укыды.

Искәртеп үтик, әлеге мәйданчыкның оештыручысы – җирле “Ак калфак” татар хатын-кызлары иҗтимагый оешмасы.

Эльмира Васильева