Бүген Казанда XXXVIII «Уйнагыз, гармуннар!» халык иҗаты республика бәйрәме уза.
Казан Кремле территориясендә гармунчылар парадын Татарстан Республикасы Рәисе Рөстәм Миңнеханов карады. Рәисебез белән бергә парадта Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев, Татарстан Республикасы Мәдәният министры Ирада Әюпова да булды.
Гармунчылар парады Бауман урамы-Казан Кремле- Кремль яр буе маршруты буйлап үтте, шәһәребез халкын һәм кунакларын гармун моңнарына күмделәр.
Быел парадны Татарстанның атказанган артисты Илсөя Бәдретдинова җитәкләде.
