Бу минутларда Ульяновск шәһәренең мең кешелек «Губернаторский» мәдәният сараенда Татарстан республикасы көненә багышланган зур бәйрәм тантанасы бара.

Анда өлкәнең иҗтимагый тормышында активлык курсәткән ханымнарга Бөтенроссия «Союз женщин России» оешмасының мактау грамоталары тапшырылды. Алар арасында «Өмет» газетасы редакторы урынбасары Рүзия Хәлимова һәм Татар мәдәният узәге җитәкчесе Рамилә Сафиналар бар.

Бәйрәм кунагы Татарстанның атказанган артисты, Россиянең Үзәк милли гвардия оркестры җырчысы Альберт Җәлилов татар, рус һәм итальян телендәге җырларын бүләк итте.