2021 елның 7 сентябрендә Санкт-Петербургта «Дини тормыш: эпидемиологик хәлне җайга салу шартларында рухи активлык» Санкт-Петербург халыкара дини форумы узачак.

Әлеге форумның максаты: дини һәм этник үзенчәлекләрнең типологиясен һәм үзара бәйләнешен өйрәнү.

Конференция эшендә фәнни-тикшеренү оешмаларының вәкилләре, галимнәр һәм экспертлар, төрле илләрдән дин, җәмәгать һәм сәясәт белгечләре катнашачак. Форумда катнашучыларның берсе Бөтендөнья татар конгрессы Башкарма комитеты җитәкчесе Данис Шакиров булачак.