tatruen
Баш бит / Яңалыклар / Санкт-Петербургта Татарстан киносы көннәре узды
Санкт-Петербургта Татарстан киносы көннәре узды

Санкт-Петербургта Татарстан киносы көннәре узды

Төньяк башкалада Татарстан киносы көннәре узды. Чараны Татарстан Мәдәният министрлыгы һәм Татарстанның Санкт-Петербург шәһәрендәге һәм Ленинград өлкәсендәге Даими вәкиллеге ярдәмендә «Татаркино» дәүләти оешмасы оештырды.

15 һәм 16 апрельдә Санкт-Петербургның Татар мәдәни үзәгендә соңгы елларда Татарстан кинематографистларының иң популяр «Сөмбел» һәм «Исәнмесез» фильмнары күрсәтелде. Бу турыда Вәкиллекнең матбугат хезмәте хәбәр итә.

Санкт-Петербургта Татарстан киносы көннәрен үткәрү традициягә әверелде. Элек төньяк башкала тамашачылары Илшат Рәхимбайның «Әпипә», Әмир Галиәскәров белән Рамил Фазлыевның «Мулла», Илдар Ягъфәровның «Байгал» һ.б. фильмнарны бәяләгән иде.

Татарстан киносы көннәре Халыклар сәнгате һәм халыкларның матди булмаган мәдәни мирасы елын бәйрәм итүгә багышланган чаралар кысаларында узды.

tatar-inform.tatar

Фикер калдырырга

Обязательные поля отмечены *

*