Сочида ай саен татар дискотекалары үткәрү ниятләнә. Беренчесе 30 ноябрь көнне узачак.

Оештыручылар вәгъдә иткәнчә, дискотекаларда милли тәм-томнар белән чәй табыны корылачак. Шулай ук анда җыелучыларга сәләтләрен күрсәтеп туган телдә җырлау, төрле конкурсларда катнашу мөмкинлеге була. Кунаклар өчен “тере” музыка яңгыраячак. Бу чараның төп максаты – туган телләренә һәм милли мәдәниятләренә мәхәббәт берләштергән кешеләрне үзара аралаштыру.

“Татар-информ” МА