Татарстан Премьер-министры урынбасары, Милли Шура рәисе Васил Габтелгаяз улы Шәйхразыев бүген Ташкент шәһәрендә Татар иҗтимагый мәдәни-агарту үзәгенең 30 еллык юбилеенда катнаша. Тантаналы чара башланыр алдыннан, ул “Төркестан” сараенда ачылган күргәзмә белән танышты. Кунакларны милләттәшләребез
Биредә татар халкының милли ризыклары, милли киемнәре, кул эшләнмәләре, гореф-гадәтләребезне чагылдырган кирәк-яраклар урын алган. Күргәзмә Татар иҗтимагый мәдәни-агарту үзәге җитәкчелегендә һәм Ташкентта гомер итүче татарлар тырышлыгы белән оештырылган.
Васил Шәйхразыев күргәзмә эшчәнлеген югары бәяләде. “Үзбәкстанда яшәүче татарлар ата-бабадан калган мирасны, милли ризыкларыбызны күз карасыдай саклап яши, киләчәк буынга да тапшыра,” – дип белдерде. 30 еллык юбилеен бәйрәм итүче Татар иҗтимагый мәдәни-агарту үзәгенең бу эштә өлеше зур булуын да билгеләп үтте.
