Кичә «Татарча диктант» татар теленнән дөньякүләм белем тикшерү акциясе башланып китте. 10нчы сентябрьдә диктантны Татарстан һәм Башкортстан республикаларныда яшәүче милләттәшләребез язды. Бүген исә акциягә Россия Федерациясенең башка төбәкләре дә кушылды.
Мари Иленең Йошкар – Ола шәһәрендә 47 кеше татарча дөрес язу осталыгын сынап карады. Татарча диктантны Бәрәңге районының Мазарбашы авылында да 15 кеше язды. Оештыручылар хәбәр иткәнчә, Морки районының Кулбаш авылында диктант язучылар бар. Барлыгы акциядә 75 кеше катнашты.
