Бүген Татарстан Республикасы Премьер-министры урынбасары, Бөтендөнья татар конгрессының Милли шура рәисе Васил Шәйхразиев җитәкчелегендәге Татарстан делегациясе Свердлау өлкәсенең Екатеринбург шәһәренә килде. Делегация иртәгә, 20 июль көнне, XlV өлкә Сабан туенда катнашачак. Ә бүген кунаклар Сысерть шәһәр округы составындагы Кадниково авылында урнашкан “Ак ат” (“Белая лошадь”) ял итү клубы территориясендәге Сабантуй мәйданы белән таныштылар.