11-16 апрель көннәрендә  Тула өлкәсенең  Алексин шәһәрендә бочча буенча Россия чемпионаты узды. Әлеге ярышлар  спортның паралимпияда төре булып санала һәм анда терәк-хәрәкәт аппараты зарарланган коляскадагы инвалидлар катнаша.

Милли ярышлар стартына илнең 22 төбәгеннән 98 спортчы чыкты. Спортчылар җиде комплект медаль өчен көч сынашты.

Турнир нәтиҗәләре буенча Татарстаннан, Арча егете Рамил Шәрәфетдинов В2 категориясендә Россия чемпионы булды.