5 августта Төмән өлкәсенең Тубыл шәһәрендә «Искернең тарихи язмышы» XIV Бөтенроссия фәнни-гамәли конференциясе була. Ул «Искер-җыен» XIII Халыкара себер татарлары мирасы тарихи мәдәни фестивале кысаларында уза.
Татарстанның Свердловск өлкәсендәге Даими вәкиллеге матбугат хезмәте хәбәр иткәнчә, чарада «Себер татарлары һәм аларның хөзерге тормыштагы роле», «Себер татарларының изге урыннарында тикшеренүләр», «Хәзерге шартларда себер татарларының туган телләрен саклау» һ.б.темалар буенча фикер алышу планлаштырыла.
