Бүген Төмәндә Чик сакчылары паркын һәм Ватанны саклаучыларның тол хатыннарына багышланган истәлек билгесен ачу тантанасы булды.

Ачылышта Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев катнашты.

Тантаналы чарада кадет сыйныфлары, патриотик үзәк вәкилләре, Төмән өлкәсе чик буе ветераннары делегациясе чыгыш ясады.

Чик сакчылары паркы Төмән шәһәренең туристик маршрутына кертелгән. Бу, үз чиратында, күп сандагы кешегә “Ватанны саклаучыларның аналары һәм тол хатыннары” диеп исемләнгән  истәлек билгесе белән танышырга мөмкинлек бирә.