Троицк шәһәрендә Троицк шәһәрендә “Зәйнулла Рәсүлев укулары” Россиякүләм фәнни-гамәли конференция уза.
9 июльдә Троицк шәһәрендә «Расулев укулары: Россия тарихында һәм илнең хәзерге тормышында ислам дине» дигән фәнни-гамәли конференция уза.
Бирегә Чиләбе өлкәсе губернаторы Алексей Текслер, Россиянең Югары мөфтие, Россия мөселманнарының Үзәк диния нәзарәте рәисе Тәлгать хәзрәт Таҗетдин, Чиләбе һәм Курган өлкәләре мөфтие Ринат хәзрәт Раев, Бөтендөнья татар конгрессы Башкарма комитеты рәисе Илгиз Халиков һ.б. килде.
Конференциядә федераль һәм региональ хакимият органнары вәкилләре, якын һәм ерак чит илләрнең мөселман лидерлары, Россия һәм чит ил галим-галимнәре, милли сәясәт өлкәсендә галимнәр, җирле үзидарә органнары башлыклары һәм җитәкчеләре, төбәкнең иҗтимагый, дини һәм милли-мәдәни оешмалары вәкилләре һ.б. катнаша.
