Ульяновск өлкәсе Яңа Малыклы районы Зирекле Куак авылында гомер кичерүче Бөек Ватан сугышы ветераны Мансур Рәхмәтулловка 90 яшь тулды.
Армия сафларында дошманга каршы көрәшеп, бөтен гомерен тырыш, намуслы хезмәткә багышлаган Мансур Адиулла улын олуг юбилее уңаеннан авыл администраторы Әлфия Сафина котлады. Ул мөхтәрәм ветеранга Россия Президенты Владимир Путинның котлау хатын һәм шулай ук Высокий Колок авыл җирлеге башлыгы Александр Игнатьевның Рәхмәт хаты белән истәлекле бүләген тапшырды.
