Бүген Ульяновск шәһәрендә 17-18 июнь көннәрендә уза торган Федераль Сабан туеның икенче көне.

Бүген бәйрәмнең Татарстан Республикасы Президенты Рөстәм Миңнеханов катнашында рәсми ачылышы, Федераль Сабан туеның символы “Тулпар ат”ны тапшыру тантанасы көтелә.

Бәйрәм кунаклары өчен концерт программасы, күргәзмәләр һәм сату нокталары, төрле халыклар мәдәниятен чагылдырган утарлар оештырылган, шулай ук бүген көрәш ярышларында Федераль Сабан туеның абсолют Батыры билгеләнәчәк.