Ульяновск шәһәренең Татар мәдәният үзәгендә “Мәңге яшь Сабантуй” дип аталган күргәзмә ачылды. Күргәзмәдә урын алган фотосурәтләр тулысынча быел өлкәбездә гөрләп үткән Федераль Сабантуй бәйрәменә багышланган.
Татар мәдәният үзәге җитәкчесе Рамилә Сафина чарада катнашучы балаларны милли бәйрәмнең тарихы, халкыбызның гореф гадәтләре, йолалары белән таныштырды. Федераль Сабантуйдагы мәйданчыклар турындагы мәгълүматны да балалар кызыксынып тыңладылар.
