Ульяновск шәһәренең «Киндяковка» мәдәният йорты каршындагы «Нур» татар халык театры «Мөнәҗәт кичәсе» уздырды. Аның режиссеры Җәмилә Мифтахова бер өстәл артына мөнәҗәт әйтүче дистәләгән ханымнарны жыйган. Монда килүчеләр үзләренең әби-әниләреннән ишетеп хәтерләрендә саклаган мөнәҗәтләрне әйттеләр.

Лаишевка эшчеләр бистәсеннән Гөлфирә ханым Алимова бәет-мөнәҗәтләрне күп еллардан бирле төрле төбәкләрдән җыеп бара. Аның сүзләренә караганда, бүген аңарда 2-3 китаплык язмалар бар. Кичәне оештыручы Җәмилә ханым үзе дә мөнәҗәтләр әйтте, татар халык җырларын башкарды.

Рәмис Сафин