Бүген Татарстан премьер-министры урынбасары, Бөтендөнья татар конгрессының Милли шура рәисе Васил Шәйхразиев Ульяновск өлкәсенең Иске Кулатка районына эш сәфәре кыла.

Иң беренче итеп, Кулаткага килү белән, Васил Шәйхразиев “Әнвәр” мәчетендә булды. Ул иман йорты белән танышты, дога кылды. Аннары ул Х.А. Абләзов исемендәге Иске Кулатка район музеен карады. Шулай ук ул Бөек Ватан сугышының 70 еллыгы мемориаль комплексына чәчәкләр куйды.