Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Беларусь Республикасының Минск шәһәренә килде. Биредә ул милли Сабантуй бәйрәмен уздыру урынын карады. Бәйрәм агымдагы елның август аенда шәһәрнең үзәгендә узачак.

«Сабантуй» кунаклары традицион күңел ачу уеннарында катнаша алачак: капчык белән көрәшү, чүлмәк вату, кашыкка йомырка салып йөгерү. Аркан тарту, гер күтәрү, кул көрәштерү кебек спорт ярышлары да булачак.

Чараның кульминациясе булып көрәш торачак. Традиция буенча, төрки халыклар арасында ир-атлар шулай итеп җитезлек һәм көч күрсәтәләр.

Бәйрәмдә халык музыкасы яңгыраячак, үзенчәлекле иҗат коллективлары һәм диаспора вәкилләре чыгыш ясаячак.