Татарстан Премьер-министры урынбасары, Бөтендөнья татар конгрессының Милли Шура рәисе Васил Габтелгаяз улы Шәйхразыев эш сәфәре белән Алтай краена килде. Иртән аны Барнаул шәһәрендәге Халыкара аэропортта Алтай крае губернаторы администрациясе департаменты һәм Алтай крае Хөкүмәтенең дәүләт федераль органнары белән үзара эшчәнлек буенча башлыгы Игорь Викторович Федоров, Алтай крае татар милли-мәдәни мохтарияте рәисе Әнвәр Солтан улы Әминов каршы алды.
8-9 февраль көннәрендә Васил Шәйхразыев татарлар белән утырыш уздырачак, шулай ук Алтай крае губернаторы В.П. Томенко белән дә рәсми очрашу каралган.
